ذبحني الؤال

موضوع: ذبحني الؤال 12/23/2007, 8:58 am

ذبحني هالسؤال أرجوك قلي وش جابه..؟؟
دخيلك ليه تتعمد مع ضحكك تبكيني..؟؟

من البارح تعيده هالسؤال وتطرق أبوابه..!!
على نفس الطريق اللي تجي منه توديني..؟؟

ياأخي وش تبي مني وحزني وش تلقابه..!!
يهمك أيش في هذا.؟(عذابي ونخلق فيني).!!

تبي تعرف حكاية شاعر جمهوره أحبابه..!!
تبي تعرف يصفق ليه جمهوري ويحييني..؟؟

لأن الشعر عندي ماهو شعر وكتابه..!!
ولاني من فراغ أكتب وأبي تكثر دواويني..!!

تبي تعرف شاعر ليه؟؟ هاك الشعر وأسبابه؟؟
تبي تعرف مكاني وين.؟؟رتبها وتلاقيني.؟

فقر مال.. فقر حال.. وفقر حيله وطلابه..
فقر حظ كريم..أمدله كفي ويعطيني..

فقر دين..فقر دنيا..وجوع تنهش أنيابه..!
فقر راحه..فقر صحه..فقر فرحه تنسيني..

فقر.إيه الفقر يعني ضياع العمر وركابه..
فقر يعني فقر يعني عذاب وظيم ماليني..

وراس الفقر..وراس الجوع..وعمر طارت أسرابه..
وحق الدرهم اللي مانوى مره يخاويني..

رضعت الويل من صغري ولبست الحزن وثيابه..
على شط الشقاء مولود وهمي كان يرويني..

تقطع وجهي وجلدي بناب الفقر ومخلابه..
ولكني عزيز النفس ولو أحتاج تغنيني..

كساني ثوبي المشقوق وبين الناس أزهابه..
وكلن يلتفت يمي يظن بتنكسر عيني..

حشا ماتنكسر عيني وأنا اللي وقته يهابه..!!
عزاي أني فقير وصارت النظرات ترميني..

عيون الناس تطعني..وكلن يغرس أحرابه..
بعض عيون أقدرها وبعض عيون تدميني..!!

وشلي مابعد قلته وتبغى تعرف أعرابه..
مضت ساعات أتكلم وأنت بس توحيني..

تبي تعرف حكاية عشق وبنت حيييييل"لعابه"..
تبي تعرف عن أسباب الجفاء بينها وبيني..؟؟

تخيل جتني وقالت فمان الله يابابا..
تشرفنا بمعرفتكـ ويالله لاتأذيني..!!

وأنا أعشقها((ثمان سنين ))وهي تلعب وكذابه..!!
تسلي نفسها فيني ونيتها تخليني..!!

تبي تعرف حكاية قبر وطفله تسكن ترابه..
تبي أقولك مظلوم ودم الطفله بيديني..

تبي تعرف وش الغربه ومن اللي طول غيابه..؟؟
تبي أحكي قبل أعوام بالتفصيل أنا ويني.؟؟

تبي أحكي لك عن الزاهد وعن ذنبه في محرابه..
دخيلك ماأقدر أتكلم خلاص أرجوك أعفيني..

قسم بالله في صدري مدينه تلتحف غابه..
مدينه ساكنه قلبي وغابتها شراييني..

دخيلك سكر الموضوع وشف لك شي تسلابه..
أنا منك ألاقيها أو ألاقيها من سنيني..

موضوع: رد: ذبحني الؤال 12/24/2007, 8:15 am

بارك الله بيك وعاشت ايدك يا ورده

بانتظار جديدك