نكت ومسجات متنوعة

استاذ كال للطلاب:اللي يحس نفسه غبي خلي يوكف, فكام طالب وكف. سأله الاستاذ: انت تحس نفسك غبي؟ جاوبه الطالب:لا استاذ بس استحيت اعوفك واكف وحدك
************************
عجوز سمعت عزرائيل ياخذ الكبار بالعمر كامت تاكل سريلايك طب عزرائيل كاللهه حجيه شدسوين كالت اتل سريلايك كاللهه يلا حبابه خلصي حتى نلوح بيباي
************************
الوطن جكليت وهلاهل دوم .. الوطن چوبي وهچع ودبكة كلدانية الوطن صبة وشبك أحرار ... الوطن آشور وشيعة ويزيدية الوطن عيد وصلاة وصوم .. يجمعنا الوطن، إسلام ومسيحية الوطن كوت وموصل وكركوك .. والمشخاب تحضن سليمانية الوطن نخل البصرة والعشار .. وتين من الجبل للحلوة راوية الوطن عرس وأخوة دوم .. والكاكا لو عرّس، يخطب كربلائية وابن العاصمة يصيف بأربيل .. ويشوي ابن العمارة سمجة بنية ولو عبد المسيح يحتاج للجيران .. توگفله أم حمود وهية سنيه
************************
نصعد جبل بدهوك ونصيف بسليمانية , ونشرب لبن أربيل ونكعد كعدة عربية , وناخذ من الموصل الكبة المشوية , وياعيني على ديالى محلاها برتقالية , ونمر على بغداد نكول بعون الله محمية , ونتعشى بالأنـــبـــار تمن ودلــيـــمـيــة , وكيمر السدة ناكلة من إيد حلاوية , وناخذ تمر زهدي من الناصرية , وانزورالامام الحسين زيارة كربلائية , من البصرة نتعلم صبر شكد شافت أذية , سألتـوني آني منين وهاي الهـويـة , هذا آني العـراقــي إبن العـراقــيـة
************************

وطنــــــــني لأنني لم أمنحك غير الكلمات تذكر أنني أحبك جداً إنني أشعر أحيانا باخجل, و أطلب منك العفو لأنني لا زلت على قيد الحياة و لست ضمن قائمة الشهداء.
*************************

تركنا الوطــن والاهــل والديرة وبعــنا الأرض والكـــاع بليرة وهاجرنا منك يا وطن مثــل المسيرة ودمنا صــار ارخـص من الذخيرة وحياتنا صـــارت ظلـمة ومريرة وصــرنا بلياك يا وطــن بـحيرة وصرنا خــبر على قناة الجــزيرة وشفنا الجحـــيم بناره السعـيرة ونسونا الحضاره ورجعونا للحضـيرة ومشاكلنا وهمومــنا صارت كثيرة ودموعــنا تجمعت وصارت بُحيـرة وهــدموا المدرسة وقتـلوا المديرة وزرعــوا الفـتن وهجـروا الجيرة
*****************************